CEI Pole Pole Olabide

Olabide Elkartasuna
2022-1-18

Solasean...

elkartasuna , PolePoleOlabide , konpromezua , ikaskuntza , balioak , kultura

CEI Pole Pole Olabideko ikasturteari 2022ko urtarrilaren 17an hasiera eman genion. Haurren behar naturalei erantzunez eta Turkanako kultura eta bizimodua errespetatuz, Ikastolak Hezkuntza Proiektua sortu du, gure bertako ikaskideek euren hezkuntza-ibilbidea konfiantzaz hasteko eta euren bertsiorik onena garatzeko. Gainera, Pole Pole Olabiden, osasuna eta elikadura bermatuta izango dituzte. Hemengo ikaskideek ere beraiengandik asko dute jasotzeko, hasieratik parte hartzen dute eta asko ikasten dute mendebaldeko gizartean lo ditugun balioak berreskuratzen.

CEI Pole Pole Olabide, Olabide Ikastolako laugarren eraikina, urtarrilaren 17an ireki dute Kenyako Lokitaung herrian (Turkana).

Lankidetzaren munduan aitzindaria den proiektu hau, Olabide Ikastola, Amor Sin Barreras GKEa eta Aztivate Foundationen lankidetzaren fruitua izan da. Kenyako hezkuntza ministerioa, Turkana Iparraldean ere beste bat eraikitzeko eredu bezala aztertzen ari da proiektua. CEI Pole Pole Olabidek hezkuntza, adimen emozionala, laguntza medikoa eta nutrizio-programa barne hartzen ditu.

Munduko gune zigortuenetako bat izanik, 30 haurrek honako programa hau izango dute:

Hezkuntza akademikoa. Ikasketa-plana Olabide Ikastolak eta Soila ikastetxeko zuzendariak garatu dute, Kenyako curriculuma–ri jarraituz eta turkanar ohitura eta kulturara egokituta.
Elikadura, Valentziako CEU unibertsitateak sortutako nutrizio-programa batean oinarrituta.
Adimen emozionala, Victor Victoris psikologoak proiekturako zuzenean prestatutako metodoaren bidez.
Laguntza medikoa, Aztivate Foundation-eko Santa Martha klinika pediatrikoan.

Haurrak mundutik iristen dira Olabidera eta Ikastolan mundura itzultzeko behar dituzten tresna guztiak ematen dizkiegu.

Baina proiektu aitzindari hau ikastetxe izatetik haratago doa. Proiektu honetan Olabide Ikastolako gure ikasleak ere hasieratik parte hartu dute. Proiektu honek barneratzen dituen balioak lantzen, Ana Baz-ekin elkartzen, Turkanatik zuzeneko bideo-deiak egiten, Pole Pole Olabideko jolastokia diseinatzen….

Hau gutxi balitz eraikuntza lanetan bertako gizon-emakumeak aritu dira bertako ekonomiaren inoiz eman ez den suspertze bat sortuz.

Pole Pole Olabideko 30 haur protagonisten aukeraketa arretatsu eta zaila bideratu da, aukeraketarako, premia handieneko irizpideak jarraituz.

Proiektu honen helburua epe luzera turkanarrek mendebaldeko gizarteari galdu ditugun esentzia eta balioak berreskuratzen laguntzea da, protagonisten testigantzen eta bizitza-istorioen bitartez. Turkanako lantaldearen kideentzat eta haien familientzat ere mugarri bat izango da ikastolaren kudeaketaz arduratuko bait dira.

Ikasturtea martxan jartzeko astean, Lokitaung aldera abiatu ziren:

Muskoa Sánchez Halsouet eta Amaia Sánchez Iduya irakasleak Olabide Ikastola ordezkari gisa.
Grupo Amutioko Javier Amutio Serrano enpresaria, instalazioen eraikuntzarako babesle garrantzitsuenetako bat eta Turkanako 100 taldea kudeatzeko programaren kide ere bada, bere familiarekin batera: Itziar Sucunza Totoricagüena emaztea eta Unax eta Xabi semeak
Ana Baz, Amor Sin Barreras GKEaren sortzaile eta zuzendaria, proiektu handi honen bultzatzailea.
Marta Machancoses eta Elena López Davalillo, boluntario gisa.

Hau aurrera eramaten laguntzen duten familia eta enpreseei eskerrik asko: Los 100 de Turkana, Constructores de sueños, Amor Sin Barreras ONG, Actívate Foundation