Misioa

Olabide ikastola gizarte-ekimeneko euskal ikastetxea da, familiek kooperatiba gisa sortua eta onura publikoko onartua.

Haur-hezkuntzatik batxilerrerainoko irakaskuntza eskaintzen die bere ikasleei, eskolaz kanpoko kultura- eta kirol-ekintzez gain, familien beharrei egokitutako zerbitzu eta azpiegituren laguntzaz.

Ikasle bakoitzari egokitutako kalitatezko irakaskuntza eleanitza bideratzen du, gaur eguneko eta bihar-etziko erronkei aurre egiteko prestakuntza egokia izan dezaten.

Gurasoekin elkarlanean dihardu neska-mutilen heziketa integrala lortzearren, gure herriaren ezagupenetik hasi (euskara eta euskal kultura, alegia) eta mundu zabalari irekita, kristau baloreak eta gizartearekiko baloreak landuz eta garatuz, hala nola, humanismoa, zentzu kritikoa, elkartasuna, lankidetza, erantzukizuna eta ingurumenarekiko errespetua.

Berrikuntza eta etengabeko hobekuntza garatzen ditu eta Gasteizko eta Arabako gizartean eragile aktibo izanik euskal herrigintza bultzatzen du eta ikasle izan dituen neska-mutilentzako atseginez gogoratua izatea nahi du.



Ikuskera

  • Euskal Herriko ikastetxeen artean erreferentzialtasuna sendotuz.
  • Irakaskuntza berritzaileen aplikazioan eta hizkuntza anitzeko irakaskuntzarekiko konpromisoa izanik, ondorengo ikasketetarako eta bizitzarako ikasle gaituak prestatuz.
  • Guraso eta ikasleen konfiantza eta asetasuna indartuz.
  • Murgilduta dagoen gizartearen aurrerapenean parte hartuz, jasangarritasunean inplikatuz, euskararen ahozko erabilera indartuz eta euskal kulturaren suspertzaile izanik.

Olabide Ikastolak, ekimen sozialeko izaera mantenduz proiektu egonkortua izaten jarraitu nahi du



Balio etikoak

Printzipio etikoak Balioak
ZUHURTZIA Talde lana. Talde lanean aritzen gara gutzien artean helburu edo xede berdina lortzeko.
JUSTIZIA Bezeroenganako noranzkoa: Gure bezeroak ezagutzen ditugu eta beraientzat garrantzitsua dena antzematen ahalegintzen gara.
SENDOTASUNA Etengabeko hobekuntza/berrikuntza. Gure esperientziarengandik ikasiz hobetzen dugu, akatsak zein lorpenak aztertuz.
NEURRITASUNA Emaitzenganako noranzkoa. Gure ahaleginak, helburuak modu eraginkor eta efiziente batez lortzera bideratzen ditugu.
Aldaketaren kudeaketa. Aldaketak erakundeko pertsonentzako hobekuntza aukera suposatzen dutela zabaltzen eta azaltzen dugu.
Iraunkortasuna-konpromisoa. Ez dugu animorik galtzen bidean aurkitzen ditugun oztopoak direla eta.
Enpatia. Beste pertsona batzuen jokabide, ideia eta ekintzekin bat datozen sentimendu eta aldarte emozionalak identifikatzen saiatzen gara, eta informazio hau kontutan hartuta jokatzen dugu.
Etika-zintzotasuna. Besteekin ditugun erlazioak errespetuan eta konfiantzan oinarritzen dira
Gure euskal nortasunarekiko konpromisoa euskararen normalizazioaren bidez eta gure kultura eta ohiturak bultzatuz.