Educamos Google Apps Moodle  

Postontzia

Agenda21

 

Azaroaren 23an Olarizuko Merkadonan izango gara elikagaien bilketa erraldoia egiten.

Gure ikastolako DBH4 eta BATX1 mailako ikasleak han izango dira elikagaiak biltzen. Ikastolako ikasle guztiei, txikiei eta nagusiei, jakinarazi diegu zein garrantzitsua den hau egitea eta zelako beharra dagoen gure hirian.

Horregatik gonbidatzen zaituztegu larunbatean Olarizuko Merkadonatik pasatzen eta zuen ekarpena egiten, ekarpen txiki asko.....ekarpen handi!

Mila esker aldez aurretik zuen laguntzagatik!

Agur bero bat eta larunbat arte!

Elkartasun Taldea

Jarraian, azken hiruzpalau astetan seigarren mailako ikasleak burutu ditugun eskultura eta eskulanen erakusketako argazkiak ikus ditzakezue.

Gustatzea espero dugu

2019 LH6 Arte galeria

Hemen dituzue Lh4ko ikasleei Sarriara egindako irteeran ateratako argazki batzuk. Blai eginda bukatu genuen baina ZORAGARRI pasatu genuen!! GORA URA!!

2019 LH4 Sarria

Argazkiak ikusi

 

Urriaren 23 eta 24ean, asteazken eta ostegunean, Lehen Hezkuntzako 3. mailako ikasleak Gasteizko alde zaharrera joan ginen Gasteizko muralak ikustera. Oso ondo pasa genuen, nahiz eta eguraldia alde ez genuen izan.

  2019-10-23/24 LH3 Gasteizko muralak [argazkiak ikusi]

DBH2 A eta D taldeko ikasleak Lekeition egon ginen. Hemen argazkiak ikusgai:

[Argazkiak ikusi]

 

Urriak 5, enpresa lasterketan parte hartu genuen Olabide Ikastolako irakasle batzuk.

Sari bat eta guzti jaso genuen! Partaidetza handienetariko bat izan ginen, 10.postuan geratu ginen.

LH 6.mailako ikasleak urriaren 7an, 8an eta 9an Lurraskan egon gara.

Lurraska, Gernika herritik bi kilometrotara dagoen "Baserri Eskola" bat da. Lurraskan hiru egun egon gara eta bertako paisaiaz gozatzeaz gain, hainbat ekintza burutu ditugu bertan. Hala nola, errekan aritu gara animaliak eta landareak aztertzen; erleen mundua hurbiletik ezagutu dugu; bertako etxabereekin jarduerak egin ditugu; eta azkenik, Gernika-Lumo herria bisitatu dugu.

Oso ondo pasatu dugu, izan ere, ikaskideekin, begiraleekin, irakasleekin egoteko aukera izan dugu baita gaueko dantza-saioez eta distoketaz disfrutatu ere.

Hona hemen gure argazkiak:

 

Olabideko Mintzalagunak martxan jarraituko du ikasturte honetan ere.

Ikastolan guraso asko gara gai euskaraz hitz egiteko, baina ohitura faltagatik, lotsagatik, edo ziurtasun ezagatik… ez dugu gure artean egiten. Olabideko Mintzalagunak oztopo horiek gainditzen lagunduko digu.

Helburu nagusia hauxe da: hizkuntza ohiturak aldatu eta gurasoen arteko harremanetan euskara areagotzea eta sendotzea. Gure seme-alabek euskaraz hitz egitea nahi badugu, gu geu hasi behar gara aktibatzen…

Astean behin, ordubetez eta taldean, euskaraz egingo dugu, eta euskaraz disfrutatuko dugu. Gustura!

Taldeak osatzeko bi rol mota behar dira: mintzalagunak (euskara praktikatu nahi duten gurasoak) eta mintzalaguntzaileak (euskaraz ondo moldatzen direnak eta taldea dinamizatuko dutenak). Animatu izena ematera!

 

ANIMATU, EMAN IZENA!!!!

OH: Laster jarriko gara harremanetan izena eman duzuenokin.

EMAN IZENA

 

Harremanetarako, helbide honetan: olabidekomintzalaguna@olabide.com

Orriak