Educamos Google Apps Moodle  

Postontzia

Agenda21

 

PUBLIKOA

Mundua hobetzeko zer egin genezakeen galdetzen badiogu gure buruari, erantzunik  onena gure esku dagoen hori izango da, ekintza txikiak eginez aldaketa handiak lortu ahal ditugula alegia.

Olabide Ikastolako Gabonetako Kanpainak aukera hori ematen digu. Ikasleek egunero bizi dituzten egoeren eta pertsonen inguruan egindako bideoan horrela adierazten digute. Merezi du ikustea. Eskerrik asko!        

Ikastolako adin guztietako ikasleek bat egin dute 2019ko EiTB Maratoiarekin Lau Teilatu abestiarekin!

Abenduak 04, Araskiko bi entrenatzaileen (Made eta Joseba) eta jokalari baten (Laura) bisita izan genuen. DBH 4. eta Batx 1. mailako ikasleekin egon ziren eta entrenatzailearen paperaren inguruan hitz egiten egon ziren. Beraien ibilbideak kontatu zizkiguten eta gero ikasleek beraien zalantzak argitzeko aukera izan zuten.

Mila esker Araski 

2019-12-04 Araskiren bisita argazkiak

    

Gaur, abenduak 3, Euskararen Nazioarteko Eguna ospatu dugu enegarrenez Olabide Ikastolan. Aurretik lana dugun arren, badugu zer ospatu eta egun berezia izan da beste urte batez gurean, ia ikastola osoa dantzan jartzeraino. Ahotsu ibili da bere lagun eta musikariekin Haur Hezkuntza eta Lehen Hezkuntzan. DBH1eko ikasleek eurek egindako euskararen totemak ikusgai jarri dituzte Olabide eraikineko Areto Berrian. Kidetze-ekintza anitzak burutu dira: DBH2, DBH4 eta Batxilerreko ikasleek Mintzodromo banatan hartu dute parte. Aneguria etorri da DBH3, DBH4 eta Batxilerreko ikasleekin musikaz jardutera. Kidetze-jolasak egin dituzte DBH1 eta LH1 zein LH2ko ikasleen artean. DBH3ko ikasleek LH6ko ikasleen galderei erantzun diete. DBH1, DBH2, BATX1 eta BATX2 mailetako dantzariek dantza-plaza bideratu dute kideentzat. Oihana ipuin-kontalari aritu da LHko ikasleekin, HHko zein LHko ikasleak kantuan eta dantzan aritu dira euren artean. Kantari emanaldia ere izan dugu gurean. Beste behin euskarak batu gaitu. Eta hori guztia gutxi balitz, denok Lau Teilatu kantatuz EITBk antolaturiko maratoian ere parte hartu dugu; horrela, Olabiden ere haurren minbizia ikertzera bideratutako ekintzaren parte izango gara.

Eskerrik asko guztioi eta ez ahaztu: euskarak 365 egun!

[ARGAZKIAK] eta [BIDEOAK] ikusgai

 

-Txapelketa abenduaren 28an izango da Olabide Ikastolan, goizean zehar.

-1979an eta 1994an bitartean jaiotakoek parte hartu dezakete soilik (25-40 urte bitartean).

-Txapelketan ikasle ohiek zein hauen koadriletan daudenek parte hartu dezakete (ez da beharrezkoa denak ikasle ohiak izatea).

-Taldearen osaketa partaideen eskuetan geratuko da, kopuru minimoa 8 eta gehiengoa 15 delarik.

-Futbol 7 edo saskibaloia (5x5) aukeratu daiteke, taldeak mixtoak izan daitezkeelarik (ezin da bi kiroletan parte hartu).

-Izena emateko epea abenduaren 15ean bukatuko da.

-Apuntatzeko epea amaitu ostean talde guztien arduradunekin harremanetan jarriko gara, informazio zehatzagoa emateko asmoarekin.

-Izen emateak plataforma honen bitartez onartuko dira soilik.

-Partiduetan zehar gertatu daitezkeen lesioetaz ikastola ez da kargu egingo.

-Taldearen izen-ematea egiteko egin klik HEMEN

Gaur Zezilia Deuna ospatu dugu. Hementxe bideoa eta argazki batzuk:

Argazkiak ikusi

ZORIONAK!!

Azaroaren 23an Olarizuko Merkadonan izango gara elikagaien bilketa erraldoia egiten.

Gure ikastolako DBH4 eta BATX1 mailako ikasleak han izango dira elikagaiak biltzen. Ikastolako ikasle guztiei, txikiei eta nagusiei, jakinarazi diegu zein garrantzitsua den hau egitea eta zelako beharra dagoen gure hirian.

Horregatik gonbidatzen zaituztegu larunbatean Olarizuko Merkadonatik pasatzen eta zuen ekarpena egiten, ekarpen txiki asko.....ekarpen handi!

Mila esker aldez aurretik zuen laguntzagatik!

Agur bero bat eta larunbat arte!

Elkartasun Taldea

Urriak 5, enpresa lasterketan parte hartu genuen Olabide Ikastolako irakasle batzuk.

Sari bat eta guzti jaso genuen! Partaidetza handienetariko bat izan ginen, 10.postuan geratu ginen.

 

Olabideko Mintzalagunak martxan jarraituko du ikasturte honetan ere.

Ikastolan guraso asko gara gai euskaraz hitz egiteko, baina ohitura faltagatik, lotsagatik, edo ziurtasun ezagatik… ez dugu gure artean egiten. Olabideko Mintzalagunak oztopo horiek gainditzen lagunduko digu.

Helburu nagusia hauxe da: hizkuntza ohiturak aldatu eta gurasoen arteko harremanetan euskara areagotzea eta sendotzea. Gure seme-alabek euskaraz hitz egitea nahi badugu, gu geu hasi behar gara aktibatzen…

Astean behin, ordubetez eta taldean, euskaraz egingo dugu, eta euskaraz disfrutatuko dugu. Gustura!

Taldeak osatzeko bi rol mota behar dira: mintzalagunak (euskara praktikatu nahi duten gurasoak) eta mintzalaguntzaileak (euskaraz ondo moldatzen direnak eta taldea dinamizatuko dutenak). Animatu izena ematera!

 

ANIMATU, EMAN IZENA!!!!

OH: Laster jarriko gara harremanetan izena eman duzuenokin.

EMAN IZENA

 

Harremanetarako, helbide honetan: olabidekomintzalaguna@olabide.com

TELEFONO ZENBAKIA LARRIALDI EGOERA

Eskolaz kanpoko ekintzen ordutegian, autobus zerbitzuan larrialdi* egoera baten aurreran teléfono zenbaki honetara jo dezakezue:

679 411 645

Telefonoa erabilgarria egongo da honako ordutegian:

  • Astelehenetik ostegunera: 17:30 - 19:00
  • Ostiraletan: 15:30 - 18:00
  • Jardunaldi trinkoan 15:00-16:30

*Ez dira larrialdi egoeratzat hartzen autobusean utzitako gauzak, ezta geltoki aldaketak ere ez.

Orriak