Educamos Google Apps Moodle  

Postontzia

Agenda21

 

DBH-BATX

Gure ikastolatik 12 talde Vital Fundazioak bultzatutako Plastiko 0 lehiaketan parte hartu zuten pasaden ikasturtean. Egoera berezia izanik, Ekainean ezin izan zen sari banaketarik egin, beraz, 20-21 kurtso hasierarako atzeratu zen. Olabide Ikastolatik 3 talde irabazi zuten eta Irailak 9an, asteazkenean jaso zuten merezitako saria:

Trofeo bat + asteburu osoko bidai bat!!

Olabide ikastolatik zoriontzen zaituztegu parte hartu zenuten ikasle guztiei zein irabazi zenutenei.

Oso harro gaude zuen parte hartzeagatik!!

 

Talde irabazleak:

Aurten ere izugarri disfrutatu dut batxilergoko ikasleekin, akrosport gaia lantzen gorputz hezkuntzako klaseetan. Denbora laburrean, ilusioz beterik, sortu dituzten koreografiak zuekin partekatu nahi ditut.

Bideoa ikusi

Silvino Baigorri (Gorputz Hezkuntzako irakaslea)

DBH 3. mailako ikasleek elkarbizitza barruan , urtarrilaren 13tik 17rarte

“5 days to dance” dantza-antzerki proiektua aurrera eraman zuten beraien arteko harremanak eta kohesioa hobetzeko helburuarekin.  Oraingo honetan, “VOYAGE” aurkeztu zuten.

Bost egunetan eskolak eten egin ziren eta buru belarri murgildu ziren proiektua aurrera ateratzeko. Ostiralean gurasoentzat emanaldia egin zen.

ZORIONAK PARTE HARTU DUZUEN GUZTIOI!!!

[Argazkiak ikusi] [Bideoak ikusi]

 

 

DBH4-ko ikasleak bai klasean bai etxean “Printze txikia” liburua lantzen ibili dira, Saint-Exupéryren hegazkinlari frantsesaren lanik ezagunena. Liburuari esker, zenbait gai sakon jorratu ditugu: amodioa, adiskidetasuna, bakardadea edo bizitzaren esanahia. “Bihotzekin bakarrik ikusten da ondo, ezinbestekoa dena begietara ikusezina da”, edo ipuin xume bezain handi honetan ezkutatzen diren beste irakaspen batzuk ere ikasi ditugu. Hemen doakizue aholku bat: Ez utzi inoiz umea izateari! Baita egin dugun lanaren argazki batzuk ere.

 

  

LHko Olabide Kantari ikuskizunaren bideoa [HEMEN] daukazue eta argazkiak [HEMEN] ikusgai.

Disfruta itzazue!

 

 

 

DBH2 A eta D taldeko ikasleak Lekeition egon ginen. Hemen argazkiak ikusgai:

[Argazkiak ikusi]

 

Burmuinaren astearen barruan DBH 4. mailako Laborategi teknikak ikasgaiko ikasleek aukera ezin hobea izan dute arkume baten garunaren disekzioa egiteko.

Arkumearen burmuinaren egitura ikusita gizakiaren garunaren anatomia eta funtzioekin konparatu ditugu.

Honela aste honetan teorian ikusitako kontseptu desberdinak in vivo ikusi eta ikutu dituzte.

[Argazkiak ikusi]

Gaurkoan Oihaneder Euskararen Etxetik www.oihaneder.eus

Iñaki Lazkano eta Dorleta Martinez de Albeniz gurekin aritu dira, DBH4 eta BATX1 mailetan Gazte Sortegiak (Sormen Laborategia) ekimenari buruzko aurkezpena egiten. Eskerrik asko bisitagatik!

 

Pasa den irailaren 23tik 25era DBH2B eta Eko ikasleak Lekeitiko Trinkete Aterpetxean egonaldia izan genuen.

[Hemen argazkiak ikusgai]

Kaixo lagunok! 

Batxilergoko lehen eta bigarren mailako ikasleak gara eta irailaren 3tik 17ra Alemaniako Wurzen izeneko hirian egon gara, bertako familiekin bizitzen. Bertan hainbat ekintza egin ditugu eta primeran pasatu dugu, alemana ikasten eta jende berria ezagutzen.

Gure alemana indartzeko Magnus-Gottfried-Lichtwer-ikastetxeko klaseetan parte hartu izan dugu, eta “Aztarnak bilatu, aurkitu eta utzi” deituriko proiektu batean aritu gara lanean. Proiektu honetarako proposatu diguten aztarnen bila ibili gara eta gureak ere bertan utzi ditugu hainbat mural eginez.

Hiru hiri bisitatu ditugu:Leipzig, Berlin eta  Dresden, Sajoniako hiriburua. Hemen, besteak beste, Sajoniako Legebiltzarra bisitatu genuen. Hortaz aparte, mendira joan ginen sächsische Schweiz izeneko parke nazionala ezagutzera.

Aste bi hauetan zehar kultura eta bizimodu ezberdin bat ezagutzeko aukera bikaina izan dugu, baita hango eskolaren funtzionamendua ere. Azken honek arreta deitu digu, izan ere oso ezberdina da gurearekin alderatuz. Beraietaz hainbat gauza ikasi beharko genituzke.

Laburbilduz, bidaia honen helburua bete dugula esango genuke, alemana ikasi eta bertako jendearekin harreman sendoak sortu ditugulako.

[Argazkiak ikusi]

 

Orriak