Educamos Google Apps Moodle  

Postontzia

Agenda21

 

Kaixo lagunok! 

Batxilergoko lehen eta bigarren mailako ikasleak gara eta irailaren 3tik 17ra Alemaniako Wurzen izeneko hirian egon gara, bertako familiekin bizitzen. Bertan hainbat ekintza egin ditugu eta primeran pasatu dugu, alemana ikasten eta jende berria ezagutzen.

Gure alemana indartzeko Magnus-Gottfried-Lichtwer-ikastetxeko klaseetan parte hartu izan dugu, eta “Aztarnak bilatu, aurkitu eta utzi” deituriko proiektu batean aritu gara lanean. Proiektu honetarako proposatu diguten aztarnen bila ibili gara eta gureak ere bertan utzi ditugu hainbat mural eginez.

Hiru hiri bisitatu ditugu:Leipzig, Berlin eta  Dresden, Sajoniako hiriburua. Hemen, besteak beste, Sajoniako Legebiltzarra bisitatu genuen. Hortaz aparte, mendira joan ginen sächsische Schweiz izeneko parke nazionala ezagutzera.

Aste bi hauetan zehar kultura eta bizimodu ezberdin bat ezagutzeko aukera bikaina izan dugu, baita hango eskolaren funtzionamendua ere. Azken honek arreta deitu digu, izan ere oso ezberdina da gurearekin alderatuz. Beraietaz hainbat gauza ikasi beharko genituzke.

Laburbilduz, bidaia honen helburua bete dugula esango genuke, alemana ikasi eta bertako jendearekin harreman sendoak sortu ditugulako.

[Argazkiak ikusi]

 

Hemen dituzue Lh4ko ikasleek Armentian egindako ekintza batzuen argazkiak. ZEIN ONDO
PASATU GENUEN!! :).

[Ikusi argazki gehiago]

 

TELEFONO ZENBAKIA LARRIALDI EGOERA

Eskolaz kanpoko ekintzen ordutegian, autobus zerbitzuan larrialdi* egoera baten aurreran teléfono zenbaki honetara jo dezakezue:

679 411 645

Telefonoa erabilgarria egongo da honako ordutegian:

  • Astelehenetik ostegunera: 17:30 - 19:00
  • Ostiraletan: 15:30 - 18:00
  • Jardunaldi trinkoan 15:00-16:30

*Ez dira larrialdi egoeratzat hartzen autobusean utzitako gauzak, ezta geltoki aldaketak ere ez.

2019-2020 Lurraskako barnetegiaren inguruko dokumentuak

Hauek LH 2 LH4 eta LH6. mailako ikasleentzako soilik. Gurasoen sinadura beharrezkoa da.

DATAK

LH2 urriak 2, 3 eta 4

LH4 irailak 30, urriak 1 eta 2

LH6 urriak 7, 8 eta 9

PDF iconIrteeretarako baimena

 

Asteburu honetan, gure ikastolako IRAIA ARIZTI eta IZARO URRESOLA Playa de Aron ospatu den estatuko Robotikako WRO txapelketan egon dira eta hauxe kontatzen digute:

"Oso esperientzia polita izan da, lagun asko egin  ditugu eta gure Ikasbideako lagunekin oso ondo eramaten garenez elkarrekin egon gara".

ZORIONAK egindako lanagatik neskak!!!

Orriak